स्याङ्जा : स्याङ्जामा पनि संविधान दिवस मनाइएको छ। जिल्ला समन्वय समिति स्याङ्जा र पुतलीबजार नगरपालिकाको संयुक्त आयोजनामा दिवस मनाइएको हो।
पञ्चेबाजा र नेवारी बाजागाजासहित विभिन्न जातीय भेषभुषामा निस्किएका नगरवासी र निजामती तथा अन्य कर्मचारी, सुरक्षाकर्मी, विभिन्न पेशा व्यवसायमा आबद्ध व्यक्तिहरूको सहभागितामा बिहान प्रभातफेरी सहित शुभकामना आदानप्रदान गरी दिवस मनाइएको हो।
जिल्ला प्रशासन कार्यालयमा आयोजित कार्यक्रम शुभारम्भमा प्रहरी, सेना, सशस्त्र बल नेपालबाट १/१ टुकडी सलामी अर्पण गरिएको थियो।
दिवसमा जिल्ला समन्वय समिति प्रमुख श्रीप्रसाद घर्ती, पुतलीबजार नगरप्रमुख तुलसीराम रेग्मी, प्रमुख जिल्ला अधिकारी सुनिता नेपाल लगायतले संविधान एवं राष्ट्रिय दिवसको शुभकामना व्यक्त गरे।
प्रतिक्रिया दिनुहोस !
