काठमाडौं : दसैंलाई लक्षित गरेर वन्डरल्याण्डले आयोजना गर्न लागेको ‘दसैं फेस्टिबल’ को मिडिया पार्टनरमा अन्नपूर्ण मिडिया नेटर्वक रहने भएको छ । सोमबार तीनकुनेस्थित अन्नपूर्ण मिडिया नेटर्वकको हेडक्वाटरमा भएको एक समारोहका बीच उक्त सम्झौता भएको हो ।
सम्झौतापत्रमा अन्नपूर्ण मिडिया नेटवर्कका सिनियर मार्केटिङ म्यानेजर प्रमिला रजक र किक फन वल्र्ड प्रालिका बिजनेश डेभलपमेन्ट हेड निक्की महर्जन,मार्केटिङ हेड शिखर बस्नेतले हस्ताक्षर गरे । किक फन वल्र्ड प्रालिले ललितपुरको बुङमतीमा वन्डरल्याण्ड सञ्चालन गरिरहेको छ ।
वल्डरल्याण्डले दसैंलाई भव्य पर्वका रुपमा मनाउनका लागि ‘दसैं फेस्टिबल’ आयोजना गर्न लागेको हो। फेस्टिबलमा,मनोरञ्जनात्मक खेलहरूसहित परिकार प्रर्दशनी,खाना प्रतिस्पर्धा,सांस्कृतिक कार्यक्रम हुनेछन्। फेस्टिबल असोज १८ र १९ गतेसम्म सञ्चालन हुनेछ ।
प्रतिक्रिया दिनुहोस !
