सिन्धुली : सिन्धुलीमा चोरी गरी लुकाई छिपाई लैजाँदै गर्दा सालको काठ बरामद भएको छ।
जिल्लाको दुधौली नगरपालिका-८ देउरालीमा प्रहरीले ५७ दशमलव ५२ क्युफिट चिरानको सालको काठ बरामद गरेको हो।
इलाका प्रहरी कार्यालय डकाहको गस्ती टोलीले स्थानीय फेदी खोरभञ्याङ सामुदायिक वनमा चोरी गरी लान तयारी अवस्थामा राखिएको साल जातको ७ फिट लम्बाइ भएको ५३ थान र ६ फिट लम्बाइ भएको ४९ थान गरी जम्मा १०२ थान को ५७ दशमलव ५२ क्युफिट चिरान काठ बरामद गरेको जिल्ला प्रहरी कार्यालय सिन्धुलीका प्रहरी नायब उपरीक्षक अनिल कुमार खड्काले जानकारी दिए।
प्रहरीले बरामद गरेको चिरान काठ प्रारम्भिक अनुसन्धानपश्चात कानुनी प्रक्रिया पूरा गरी आवश्यक कारबाहीका लागि सब–डिभिजन वन कार्यालय दुधौलीलाई बुझाइएको पनि खड्काको भनाइ छ।
प्रतिक्रिया दिनुहोस !
