इजरायल-गाजा द्वन्द्व बढेपछि लेबनान र इजरायल सीमाबाट लाखौं मानिस विस्थापित
असोज ९, २०८१ बुधबार ७:२७:४८
इजरायल र हिजबुल्लाहबीच जारी द्वन्द्वका कारण इजरायल-लेबनान सीमामा लाखौं मानिस प्रभावित भएका छन्। मानिसहरू सीमा क्षेत्रबाट सुरक्षित स्थानतर्फ सरिरहेका छन्।
लेबनानका स्वास्थ्यमन्त्री फिरास अबियादले इजरायलको पछिल्लो आक्रमणका कारण हजारौं मानिस विस्थापित भएको बताएका छन्। इजरायल-लेबनान सीमाबाट मानिसहरू सुरक्षित स्थानमा सर्नु पर्ने अवस्था आएको यो पहिलो पटक भने होइन।
संयुक्त राष्ट्रसंघका अनुसार गत अक्टोबर ७ बाट सुरु भएको इजरायल–हमास द्वन्द्वका कारण हालसम्म इजरायल र लेबनानको सीमा क्षेत्रमा बसोबास गर्ने करिब दुई लाख मानिस विस्थापित भएका छन् ।
यस महिनाको सुरुमा जारी गरिएको तथ्याङ्क अनुसार दक्षिणी लेबनानबाट विस्थापित हुनेमा १ लाख १३ हजारभन्दा बढी व्यक्तिहरू समावेश छन्। यसै क्रममा उत्तरी इजरायलबाट करिब ६० हजार मानिस विस्थापित भएका छन् ।
प्रतिक्रिया दिनुहोस !
