श्रीलंकाका नवनिर्वाचित राष्ट्रपतिद्वारा संसद विघटन, संसदीय निर्वाचन घोषणा,
असोज ९, २०८१ बुधबार ९:५३:९
श्रीलंकाका नवनिर्वाचित राष्ट्रपति अनुरा कुमारा दिसानायकेले संसद विघटन गरेका छन्। अब मुलुकमा संसदीय निर्वाचन हुँदैछ । नोभेम्बर १४ मा संसदीय निर्वाचन हुने जनाइएको छ ।
२२५ सिटमध्ये दिसानायकेको पार्टी नेसनल पिपुल्स पावर गठबन्धनले तीन सिट मात्रै पाएको छ । यसअघि दिसानायकेले हरिणी अमरसूर्यालाई देशको नयाँ प्रधानमन्त्री चयन गरेका थिए ।
राष्ट्रपति निर्वाचनमा विजयी भएपछि दिसानायकेले संसदीय निर्वाचनका लागि छिट्टै संसद विघटन गर्ने बताएका थिए ।
उनले नीति कार्यान्वयन गर्न सकेसम्म चाँडो निर्वाचन हुने बताए । उनले यसअघि जनताको इच्छाविपरीत बनेको संसदलाई निरन्तरता दिनुको कुनै अर्थ नभएको बताए ।
यसअघि २०२० अगस्टमा श्रीलंकामा आम निर्वाचन भएको थियो। बीबीसी
प्रतिक्रिया दिनुहोस !
