बाजुरा : चट्याङ लागेर बाजुरामा एकजानको मृत्यु भएको छ भने एकजना घाइते भएका छन् । मृत्यु हुनेमा बुढीगंगा नगरपालिका- ४ बानेगाउँका ६० वर्षीय खम्म कुटुवाल हुन्। उनको बिहान ३ बजे घरमै सुतिरहेको समयमा चट्याङ लागेर मृत्यु भएको जिल्ला प्रहरी कार्यालय बाजुराले जानकारी दिएको छ ।
गौमुल गाउँपालिका- ४ कौटाकोट टोलकी साउनी रोकाया घाइते भएकी छन् । उनलाई उपचारको लागि जिल्ला अस्पताल बाजुरा ल्याइएको छ । चट्याङ लागेर ४ वटा बाख्राको समेत मृत्यु भएको प्रहरीले जानकारी दिएको छ ।
प्रतिक्रिया दिनुहोस !
