विराटनगर : बिजुलीको तार जोड्ने क्रममा करेन्ट लागेर मोरङको ग्रामथानमा बुधबार दिउँसो १ जनाको मृत्यु भएको छ । मोरङ प्रहरीका प्रवक्ता डीएसपी ज्ञानेन्द्रबहादुर बस्नेतले दिउँसो १ बजेतिर करेन्ट लागेर ग्रामथान गाउँपालिका–२ का ५० वर्षीय जगदीश सरदारको मृत्यु भएको जानकारी दिए ।
आफ्नै घरमा बिजुलीको तार जोड्ने क्रममा करेन्ट लाग्दा उनको घटनास्थलमै मृत्यु भएको प्रहरीको प्रारम्भिक अनुसन्धानबाट खुलेको छ । इलाका प्रहरी कार्यालय बेलबारीका इन्सपेक्टर कृष्णबहादुर खत्री नेतृत्वको टोलीले कानुनी प्रक्रिया पूरा गरी शवलाई पोस्टमार्टमका लागि विराटनगरको कोशी अस्पताल पठाएको छ ।
डीएसपी बस्नेतले घटनाको अनुसन्धान अघि बढाइएको जानकारी दिए ।
प्रतिक्रिया दिनुहोस !
