अरनिको राजमार्ग र बिपी राजमार्गको सडक आवागमन बन्द रहेको छ।
काभ्रे : काभ्रेमा विभिन्न स्थानमा गएको बाढी पहिरोमा पुरिएर ५ जनाको मृत्यु भएको छ। गएरातिबाट आएको बाढी पहिरोमा परेर ५ जनाको मृत्यु र १४ जना बेपत्ता भएको जिल्ला प्रहरी कार्यालयका डीएसपी राजकुमार श्रेष्ठले जानकारी दिए। उनका अनुसार तिमालमा २ जना, बेथानचोक र पनौतीमा १/१ जनाको मृत्यु भएको हो।
यसैगरी बनेपा, पनौती, तेमालबाट १४ जना बेपत्ता भएका छन् भने ३ जनाको उद्धार गरिएको प्रहरीको भनाई छ। हाल अरनिको राजमार्ग र बिपी राजमार्गको सडक आवागमन बन्द भएको छ। बनेपा, धुलिखेल र पनौतिका बस्तीसमेत डुबानमा परेका छन्।
थप विवरण आउँन बाँकी रहेको छ।
प्रतिक्रिया दिनुहोस !
