काठमाडौं : काठमाडौं उपत्यकामा आएको बाढीले जनधनको क्षति गरेको छ। बागमती, विष्णुमती, मनहरा, हनुमन्ते, धोबीखोला, नख्खुखोलामा आएको बाढीले जनजीवन प्रभावित पारेको हो। काठमाडौं उपत्यकाका थुप्रै स्थानमा बाढी पसेपछि सुरक्षा निकायहरू उद्धारमा खटिएका छन्।
नेपाल प्रहरी विपद् व्यवस्थापन कार्यालय सामाखुसीले प्रभावित क्षेत्रमा उद्धार कार्य जारी गरेको छ। कार्यालयका एसपी हेरम्ब शर्माले उपत्यकाका तीनवटै जिल्लामा उद्धार टोली खटिएको बताए।
उनका अनुसार ललितपुरको बल्खु, नख्खु मेडिसिटी क्षेत्र, भक्तपुर र काठमाडौंको सामाखुसी र कृष्णधारा मार्गमा प्रभावितलाई उद्धार गरेको हो। नेपाल प्रहरी विपद् व्यवस्थापन कार्यालयले मात्रै ३८० जनाको उद्धार गरेको छ। एसपी शर्माका अनुसार ललितपुरमात्रै ३८० जनाको उद्धार गरिएको हो।
हेर्नुस् तस्बिर :
प्रतिक्रिया दिनुहोस !
