धादिङ : देशको संघीय राजधानी काठमाडौंलाई जोड्ने लाइफलाइन मानिने राजमार्गको आधा दर्जन बढ़ी ठाउँमा सड़क एकतर्फी रूपमा मात्र सञ्चालनमा आएको छ । तीन दिनदेखि परेको अविरल वर्षाका कारण नागढुङ्गा-मलेखु सडक खण्डको नौ ठाउँमा राजमार्ग एक एकतर्फी रूपमा सञ्चालनमा आएको हो।
आज तेस्रो दिन पनि काठमाडौंबाट बाहिरिनेर र भित्रिने क्रममा रहेका सवारीहरू ठाउँठाउँमा जामका कारण यात्रु र चालक सास्ती खेप्न बध्य छन् । धादिङको नौविसे-नागढुङ्गा सडक खण्डअन्तर्गत झ्याप्ले खोला नजिक ठूलो पहिरो झर्दा केही सवारी पुरिएका छन् ।
त्यहाँको पहिरो पन्छाउने काम भइरहेको प्रहरीले बताएको छ । अविरल वर्षासँगै झरेको पहिरोले बाटो बन्द भएपछि तीन दिनदेखि काठमाडौंबाट लामो दुरीका सवारी साधन छुटेका छैनन् । पूर्वपश्चिमबाट संघीय राजधानी आवातजावतको मुख्य लाइफलाइन पृथ्वी राजमार्गमा बाढी तथा पहिरोका कारण सवारी साधनको जामले सधैंजस्तो सास्ती व्यहोर्नु परेको हो ।
वैकल्पिक मार्गको रूपमा सवारी साधनहरू टोखा, झोर हुँदै नुवाकोट-गल्छि चलिरहेका छन् । तर त्यो बाटोमा अत्यावश्यक सवारी साधनमात्र चलिरहेका प्रहरीले बताएको छ ।
प्रतिक्रिया दिनुहोस !
