शान्ति चोकमा आगोले एक घर जल्यो
विराटनगर : मोरङको रंगेली नगरपालिका–९ शान्ति चोकमा आइतबार साँझ आगलागी हुँदा एउटा घर जलेको छ। प्रहरीका अनुसार साँझ ६:४५ बजेतिर लागेको आगोले मुकुन्दप्रसाद कोइरालाको अढाई तले घरसहित घरभित्र रहेका अन्नपात, लत्ताकपडा, सुनचाँदी, नगद, महत्वपूर्ण कागजात सबै जलेर ध्वस्त भएको हो।
आगलागीको कारण खुल्न नसकेको र विद्युत् सर्ट भएर आगलागी भएको हुन सक्ने अनुमान गरिएको प्रहरीले जनाएको छ। प्रहरी, स्थानीय र दमकलको सहयोगमा आगो नियन्त्रणमा लिइएको थियो।