धादिङ : धादिङमा बेपत्ता भएकी एक बालिकाको शव फेला परेको छ। शुक्रबारदेखि हराइरहेकी धादिङको गजुरी गाउँपालिका - ८ दोभानखर्कका सलान तामाङकी ६ वर्षीया छोरी युना तामाङको शव आइतबार फेला परेको हो।
गजुरी गाउँपालिका वडा नम्बर ७ र ८ को बीचमा पर्ने घट्टे खोलामा बगेर बेपत्ता भएकी बालिका तामाङको शव बेलबोटेमा फेला परेको स्थानीय योगेन्द्र तामाङले बताए। शुक्रबार मोटरसाइकलमा आमासँग घर जान लागेको बेला आएको बाढीले मोटरसाइकल समेत बगाएको थियो। आमा र चालक बाहिर निस्किए पनि बालिका भने बेपत्ता भएकी थिइन्।
यसैगरी नदीमा माछा मार्न गएका धादिङको बेनिघाटरोराङ गाउँपालिका -६ का ४० वर्षीय जनता चेपाङ र २० वर्षीय सन्तु चेपाङको पनि शव फेला परेको जिल्ला प्रहरी कार्यालय धादिङका प्रहरी निरीक्षक प्रल्हाद सिलवालले जानकारी दिए।
उनीहरू नदीमा माछा मार्न जान लागेका उनीहरु निरन्तरको वर्षाका कारण गजुरी गाउँपालिका -२ गुम्बाडाडाँमा रहेको ओडारमा बस्दा पहिरो लडेर पुरिएका थिए ।
प्रतिक्रिया दिनुहोस !
