पहिरोमा परी मृत्यु भएका एन्फा एकेडेमीका तीनजना विद्यार्थीको शव हेटौंडा ल्याइयो

हेटौंडा : गत शनिबार पहिरोमा परी मृत्यु भएका एन्फा एकेडेमीका ६ जना विद्यार्थीमध्ये ३ जनाको शव हेटौंडा ल्याइएको छ।सोमबार बिहान हेलिकोप्टरबाट  मकवानपुरका साइमन योन्जन,अनुप घलान र बाराका विकल रेग्मीको  शव हेटौंडा ल्याइएको हो । 

हेटौंडा ल्याइएको तीनाजनाको शव जिल्ला खेलकुद समिति मकवानपुरले नगर परिक्रमा गराएर  हेटौंडा  उपमहानगरपालिका-४ मा रहेको  हुप्रा चौरमा श्रद्धाञ्जली कार्यक्रम गरेको छ। श्रद्धाञ्जली सभामा प्रदेश सरकारका मन्त्रीहरू,खेलाडीहरू,विभिन्न राजनीतिक दलका नेताहरूलगायत सर्वसाधारणहरूको उपस्थिति रहेको छ ।

अखिल नेपाल फुटबल संघ एन्फाले मकवानपुरको इन्द्रसरोबर गाउँपालिका–३ मा राखेको युथ–१४ क्याम्पका ६ जना खेलाडीको गत शनिबार पहिरोमा परि मृत्यु भएको थियो । जसमध्ये ३ जना विद्यार्थी मकवानपुरका थिए  ।  अन्य ३ जना  विद्यार्थी काठमाडौंका रियान्स आचार्य,मकवानपुरका दिवस बानियाँ ,सर्लाहीका आदित्य बलम्पाकी  रहेको  थिए  ।

 गत बिहीबारदेखि अविरल परेको वर्षाका कारण सिस्नेरी खोलामा बाढी आएपछि विद्यार्थीहरू सुरक्षित स्थानतर्फ जाने क्रममा माथिबाट आएको पहिरोमा पुरिद ६ जना विद्यार्थीको मृत्यु भएको थियो । एकेडेमीमा कुल ४० विद्यार्थी अध्ययनरत थिए । एन्फाले गत वर्षदेखि उक्त स्थानमा श्री बत्सलादेवी हाई सेकेन्डरी इन्जिनियरिङ स्कुलसँग सहकार्य गरी विद्यार्थीलाई नियमित अध्ययनका साथै फुटबल प्रशिक्षण दिँदै आएको थियो।