काभ्रेमा बाढी पहिरोबाट मृत्यु हुनेको संख्या ५४ पुग्यो, ६ जना बेपत्ता
असोज १४, २०८१ सोमबार १३:३६:३८
काभ्रे : काभ्रेमा बाढी पहिरोबाट मृत्यु हुनेको संख्या ५४ पुगेको छ। जिल्ला प्रहरी कार्यालय काभ्रेका प्रहरी निरीक्षक दिनेश बहादुर कुँवरका अनुसार काभ्रेको तेमाल, रोशी, पनौती, बनेपा लगायतका विभिन्न स्थानहरुमा बाढी पहिरोबाट ५४ जनाको मृत्यु भएको हो।
मृतकमध्ये ३८ जनाको सनाखत भएको छ। बाढी पहिरोमा परेर ६ जना अझै बेपत्ता रहेका प्रहरीले जनाएको छ। बीपी राजमार्ग र अन्य स्थानहरूबाट नेपाली सेनाको हेलिकोप्टरमार्फत आज बिहानसम्म हेलिकोप्टरबाट ३३७ जना र अन्यमाध्यमबाट ३२२६ जनाको उद्धार गरेर गन्तव्यसम्म जाने व्यवस्था मिलाइएको प्रहरीले जनाएको छ।
जिल्लाका विभिन्न स्थानहरूबाट नेपाली सेनाको हेलिकोप्टरले सकुशल उद्धार कार्यमा जोड दिएको कर्णेल सिंहले बताए।
प्रतिक्रिया दिनुहोस !
