नुवाकोट : शिवपुरीमा माइक्रोबस दुर्घटनाका घाइतेहरूको काठमाडौंमा उपचार भइरहेको छ। सोमबार बिहान काठमाडौंबाट नुवाकोटहुँदै पोखरा जाँदै गरेको ग १ ख ४५३५ नम्बरको माइक्रो बस शिवपुरीको भीरबाट खस्दा चालकसहित १२ जना घाइते भएका हुन्। घाइतेहरूको काठमाडौंको ग्रिनसिटी र ग्राण्डी अस्पतालमा उपचार भइरहेको नुवाकोट प्रहरीले जनाएको छ।
जिल्ला प्रहरी कार्यालय नुवाकोटका अनुसार घाइतेमध्ये दुईजना गम्भीर छन्। काठमाडौं टोखा–छहरे–गंगटे सडकखण्डको बीचमा रहेको शिवपुरी गाउँपालिका-७ अदुवारवारी घुम्तीमा माइक्रोबस सडकबाट करिब एकसय ५० मिटर तल खसेको थियो।
प्रतिक्रिया दिनुहोस !
