परराष्ट्र मन्त्री राणा र अमेरिकी उपविदेशमन्त्री उर्जा जियाबीच भेटवार्ता
काठमाडौं : परराष्ट्रमन्त्री आरजु राणा देउवाले र अमेरिकी उपविदेशमन्त्री उर्जा जियाबीच भेटवार्ता भएको छ।
संयुक्त राज्य अमेरिकाको वासिङ्टन डिसीस्थित नेपाली राजदूतावासमा सोमबार उनीहरूबीच भेटवार्ता भएको हो। भेटमामा नेपाल-अमेरिका आपसी हितका विविध विषयका साथै शान्ति, मानवधिकार र प्रजातन्त्रका विषयमा छलफल भएको परराष्ट्र मन्त्रालयले जानकारी दिएको छ।
मन्त्री राणाले नेपाल सदैव शान्ति, मानवअधिकार र प्रजातन्त्रका पक्षमा रहेको र नेपालको संसदले हालै पारित गरेको सङ्क्रमणकालीन न्यायसम्बन्धी कानुनका बारेमा उपविदेशमन्त्री जियालाई जानकारी गराएकी थिइन्।
मन्त्री राणाले नेपालले पीडितमैत्री सो कानुन पारित गरेको र शान्ति प्रक्रियाका बाँकी रहेका कामहरू पनि छिट्टै टुङ्ग्याउने जानकारी गराएकी थिइन्। संयुक्त राष्ट्रसङ्घीय महासभामा भाग लिन अमेरिका पुगेकी मन्त्री राणा वासिङ्टन डिसीमा छिन्।