काठमाडौं : सर्वाधिक विश्वसनीय स्मार्टफोन ब्रान्ड रियलमीले 'बडा दशैं, तिहारको बडा अफर' योजना सुरु गरेको छ । नेपालीहरूको महान् चाड विजयादशमी तथा दीपावलीको शुभ अवसर पारेर आफ्ना ग्राहकहरूका लागि योजना ल्याइएको कम्पनीले जनाएको छ । 'बडा दशैं, तिहारको बडा अफर' असोज १५ देखि कार्तिक २२ सम्म लागू हुनेछ ।
यस योजनाअन्तर्गत एकजना भाग्यशाली विजेताले मेगा उपहारस्वरुप एमजी ४ इभी जित्ने अवसर पाउनेछन् भने बम्पर उपहारस्वरुप टिभीएस एन्टर्क ड्रम स्कुटर जित्ने अवसर पाउनेछन् । त्यस्तै हरेक हप्ता २ जना भाग्यशाली विजेताले रियलमी सि ६३ पाउन सक्नेछन् भने दैनिक १० जना भाग्यशाली विजेताहरूले बोल्ट स्मार्टवाच, बोल्ट इयरबड्स र सफारी ब्याकप्याकहरू जित्ने अवसर प्राप्त गर्नेछन् ।
योजनाको बारेमा बोल्दै रियलमीका हेड अफ स्ट्राटेजी एन्ड रिसर्च मुनिश गिरीले भने,'सर्वप्रथम त महान् चाड विजयादशमी एवं दीपावली २०८१ को अवसरमा देश तथा विदेशमा रहनुहुने सम्पूर्ण नेपाली दाजुभाइ तथा दिदीबहिनीहरूमा हार्दिक मंगलमय शुभकामना व्यक्त गर्न चाहन्छौँ । हामी प्रविधिको माध्यमबाट मानिसलाई नजिक ल्याउन र सम्बन्धमा न्यानोपन छर्न प्रतिवद्ध छौँ । चाडपर्व भनेको आफ्ना नजिकका आफन्त, साथीभाइसँग रमाइलो गर्ने अवसर हो । यसै अवसर पारेर हामीले यस 'बडा दशैं, तिहारको बडा अफर' योजना ल्याएका छौँ । हामीलाई आशा छ यो अफरले हाम्रा ग्राहकहरूको चाडपर्वको रौनकलाई अझै बढाउनेछ । '
रियलमीको कुनै पनि स्मार्टफोन खरिद गरेका ग्राहकहरू यो योजनामा सहभागी हुन सक्नेछन् । यस योजनामा सहभागी हुनको लागि ग्राहकहरूले रियलमीको वेभसाइट www.realmedashaintiharoffer.com मा गएर आफूले खरिद गरेको स्मार्टफोनको IMEI नम्बर, आफ्नो पूरा नाम र मोबाइल नम्बर दर्ता गर्नुपर्ने हुन्छ ।
प्रतिक्रिया दिनुहोस !
