झापा : झापाको हल्दिबारीमा जंगली हात्तीको आक्रमणबाट एक वृद्धको मृत्यु भएको छ । मृत्यु हुनेमा हल्दिबारी गाउँपालिका-३ की अन्दाजी ६५ वर्षीय वाङदी गुरुङ रहेको जिल्ला प्रहरी कार्यालय झापाका डीएसपी कृष्णकुमार चन्दले जानकारी दिए ।
प्रहरीका अनुसार बिहीबार बिहान ९ बजेतिर हल्दिबारी-३ स्थित रणकाली सामुदायिक जंगलमा घाँस काटी फर्कने क्रममा गुरुङमाथि हात्तीले आक्रमण गरेको थियो । ८ देखि १० वटा हात्तीले लखेटेका उनलाई लछारपछार गरी कुल्चिएर मारेको डीएसपी चन्दले बताए ।
घटनास्थलमै मृत्यु भएका उनको कानुनी प्रक्रिया गरी शव पोस्ट मार्टमका लागि प्रादेशिक अस्पताल भद्रपुर ल्याउने तयारी भइरहेको जनाइएको छ ।
प्रतिक्रिया दिनुहोस !
