बाढी पहिरोबाट अझै १८ जना बेपत्ता, मृत्यु हुनेको संख्या २३९ पुग्यो
असोज १८, २०८१ शुक्रबार २०:८:५३
काठमाडौं : बाढी पहिरोबाट मृत्यु हुनेको संख्या २३९ पुगेको छ। गृह मन्त्रालयका अनुसार अझै १८ जना बेपत्ता छन् भने १७८ जना घाइते भएका छन्।
गृह मन्त्रालयका प्रवक्ता ऋषिराम तिवारीका अनुसार मृतकहरूमध्ये १४३ जनाको परिवारलाई राहत रकम प्रदान गरिएको छ। प्रभावित क्षेत्रमा अहिले पनि उद्धार र राहत वितरणको कामलाई तीव्रता दिएको मन्त्रालयले जनाएको छ।
'आज पनि उद्धार तथा राहत वितरणको कार्यलाई निरन्तरता दिइएको छ। धेरै स्थानमा अवरुद्ध भएका सडकहरू सञ्चालनमा आएका छन्। अवरुद्ध बीपी राजमार्ग लगायतका केही सडक खण्डहरू वैकल्पिक व्यवस्था गरी अस्थायी रूपमा सञ्चालन गर्न प्रयास भइरहेको छ,' मन्त्रालयले भनेको छ।
प्रतिक्रिया दिनुहोस !
७
