भक्तपुर : भक्तपुरमा लागुऔषधसहित एक युवक पक्राउ परेका छन्। मंगलबार भक्तपुरको राधे राधेमा सवारी चेक जाँच गर्ने क्रममा विशेष सूचनाको आधारमा स्कुटर चेक गर्ने क्रममा डिक्कीमा लागुऔषध भेटेपछि २७ वर्षीय विशाल गिरी पक्राउ परेको जिल्ला प्रहरी परिसर भक्तपुरले जनाएको छ।
प्रहरीले करिब २ बजे विशाल गिरी सवार बा९७प २०९६ स्कुटरमा चेक गर्ने क्रममा ट्रमाडोल ४६० ट्याब्लेट बराबर ४६ पत्ता बरामद गरेको थियो। पक्राउ परेका गिरी काभ्रेपलान्चोक जिल्ला चौरी देउराली गाउँपालिका वडा नं ४ घर भई हालः मध्यपुर थिमी नगरपालिका वडा नं ३ बस्दै आएका थिए। परिसरले गिरी र स्कुटर दुबैलाई नियन्त्रणमा लिई अनुसन्धान कार्य अघि बढाएको छ।
प्रतिक्रिया दिनुहोस !
