दोलखा बस दुर्घटना : गम्भीर घाइते भएका दुई जनालाई धुलिखेल लगियो

दोलखा : काठमाडौंबाट ओखलढुंगाका लागि छुटेको बागमती प्रदेश ०१-००६ ख ०६३५ नम्बरको यात्रुबाहक बस बुधबार दोलखाको भीमेश्वर नगरपालिका-८ बोचमा दुर्घटना भएको हो। 

दुर्घटनामा ४२ जना घाइते भएकोमा २ जनाको अवस्था गम्भीर छ। उनीहरूलाई च्छोरोल्पा अस्पताल चरिकोटले धुलिखेल अस्पताल काभ्रेमा रिफर गरेको दोलखाका प्रहरी प्रमुख डीएसपी युवराज खड्काले जानकारी दिए। घाइतेमध्ये ओखलढुंगाको लिखु गाउँपालिका-७ गाम्नाङटारकी ६ वर्षीया बालिका आरुषी खत्री र सोही स्थानकी ३३ वर्षीया दिपा खत्रीको अवस्था गम्भीर छ।
 

बसमा ४३ जना सवार रहेकोमा ४२ जना घाइते भएका थिए।  त्यस्तै ८ जनाको च्छोरोल्पा अस्पतालमा उपचार भइरहेको छ भने अन्य घाइतेहरू सामान्य उपचारपछि डिस्चार्ज भएका छन्।