धरान : सुनसरी प्रहरीले लागुऔषधसहित सातजनालाई पक्राउ गरेको छ । सुनसरीको बराहक्षेत्र नगरपालिका-३ नडाहास्थित कुमार कुमार राइको होटलबाट उनीहरूलाइ पक्राउ गरिएको जिल्ला प्रहरी कार्यालय सुनसरीका प्रवक्ता डिएसपी रामप्रसाद तिमल्सिनाले बताए ।
नडाहामा राइले सञ्चालन गरेको होटलमा लागुऔषध कारोबार भइरहेको सूचनाका आधारमा प्रहरीले छापा मारी उनीहरुलाई नियन्त्रणमा लिएको हो । लागुऔषधिसहित बराहक्षेत्र नगरपालिका-३ का अनिल विक, कन्चन राई, सन्दिप राई, वडा नम्बर-७ को कर्ण राई, आकास राई, अस्बिन श्रेष्ठ र हिमन सुनुवारलाई पक्राउ गरिएको डिएसपी तिमल्सिनाले बताए ।
उनीहरूको साथबाट ट्रामाडोल ३ सय ५ पिस, डिकोलिक २ सय ९० पिस तथा ९ हजार ९ सय १५ रुपैयाँ बरामद गरिएको उनले बताए । पक्राउ परेका सातैजनालाई इलाका प्रहरी कार्यालयको हिरासतमा राखेर थप अनुसन्धान थालिएको प्रहरीले जानाएको छ ।
प्रतिक्रिया दिनुहोस !
