नुवाकोट : नुवाकोटको शिवपुरी खोलामा पौडी खेल्ने क्रममा एक जना बालक डुबेर बेपत्ता भएका छन्। बालकको खोजी कार्य भइरहेको प्रहरीले जानकारी दिएको छ।
शिवपुरी गाउँपालिका-८ सिम्लेमा आफन्तकोमा टीका लगाउन आएका सिशान तामाङलाई खोलाले बगाएको प्रहरी नायब उपरीक्षक तीलक भारतीले जानकारी दिए। उनका अनुसार काठमाडौंको नागार्जुन नगरपालिका-८ भिमढुंगाका दिनेश तामाङ र अप्सरा तामाङका छोरा सिशान बेपत्ता भएका हुन्। उनको स्थानीय, आफन्त र प्रहरीले खोजीकार्य गरिरहेको नुवाकोट प्रहरीले जनाएको छ।
प्रतिक्रिया दिनुहोस !
