महोत्तरी : प्रहरीले स्रोत नखुलेको ८ लाख बढी रकमसहित महोत्तरीको मनरा सिस्वा नगरपालिका-२ भोल्ही चौकबाट एक जनालाई नियन्त्रणमा लिएको छ।
बुधबार विहान जिल्ला प्रहरी कार्यालयबाट खटिएको टोलीले चेकजाँचको क्रममा सम्सी गाँउपालिका-७ का २८ वर्षीय रामस्नेही साहलाई स्रोत खुल्न नसकेको नेपाली नोटसहित नियन्त्रणमा लिएको हो।
प्रहरीका अनुसार वीआर३०एएफ ३८७६ नम्बरको मोटरसाइकलमा भारतबाट नेपालतर्फ आइरहेको समयमा प्रहरीले चेकजाँचको क्रममा १ हजार दरका ८ सय १ थान र ५ सय दरका ९ वटा गरी ८ लाख ५ हजार ५ सय नेपाली रुपैयाँ बरामद गरेको हो।
बरामद गरिएको नोट, मोटरसाइकल र साहलाई प्रहरीले नियन्त्रणमा लिई आवश्यक कानुनी कारबाहीको लागि जिल्ला प्रहरी कार्यालयमा राखिएको महोत्तरीका प्रहरी प्रवक्ता डीएसपी सन्तुलाल प्रसाद जैसवारले जानकारी दिए।
प्रतिक्रिया दिनुहोस !
