काठमाडौं : नेपाली बजारमा सुनको भाउ आज पनि बढेको छ। दशैंपछिको कारोबारमा निरन्तर बढिरहेको सुनको मूल्यले दिन प्रतिदिन नयाँ रेकर्ड कायम गरिरहेको छ।
सोमबार प्रतितोला सुन १ लाख ६५ हजार ६०० रुपैयाँमा कारोबार भएको सुन आज एक तोलाको १ लाख ६५ हजार ९०० रुपैयाँ पुगेको छ। नेपाल सुन चाँदी व्यवसायी महासंघका अनुसार आज ३ सय रुपैयाँले बढेर प्रतितोला सुन १ लाख ६५ हजार ९०० सय रुपैयाँमा कारोबार भइरहेको छ।
सुनको मूल्यसँगै चाँदीको भाउ पनि नयाँ रेकर्ड कायम भएको छ। चाँदी प्रतितोला २१ सय रुपैयाँमा कारोबार भइरहेको महासंघले जनाएको छ।
अन्तर्राष्ट्रिय बजारमा सुनको माग बढ्दा नेपाली बजारमा त्यसको प्रभाव परेको विज्ञहरू बताउँछन्। अन्तर्राष्ट्रिय बजारमा सुन प्रतिआउन्स करिब २७ सय अमेरिकी डलर छ। अन्तर्राष्ट्रिय बजारमा मूल्य बढेसँगै त्यसको प्रभाव नेपाली बजारमा पर्ने गरेको हो।
प्रतिक्रिया दिनुहोस !
