कालीकोट : कालीकोट सान्नीत्रिवेणी गाउँपालिका वडा नं ८ का २८ वर्षीया खेमराज बुढाको बाइक दुर्घटनामा परेर घटनास्थलमै मृत्यु भएको छ। कालीकोटको रास्कोटबाट मामा नाता पर्ने बाजुरा जगनाथ गाउँपालिका वडा नं ४ निबासी खडकबहादुर भण्डारीलाइ पुर्याउन जाने क्रममा बाइक चालक बुढाको दुर्टनामा भइ मृत्यु भएको हो।
खुलालु हिल्सा कर्णाली करिडोर अन्तरगत बाजुरा जगनाथ वडा नं ५ भुकाखोला नजिक दुर्घटना हुँदा बुढाको मृत्यु भएको हो। बाजुराका प्रहरी नायव उपरीक्षक दिलिपकुमार गिरीले बुधबार राति ९ बजेतिर दुर्घटनामा परेको भए पनि अपठेरो भीरबाट तीन सय मिटर तल खोचमा खसेका कारण उद्धारमा ढिलाइ भएको बताए ।
उनले रास्कोटबाट नगर प्रहरी र बाजुरा कोल्टीबाट प्रहरी घटनास्थल गएर उद्धार गरेको बताए। बाइकमा सवार जडिबुटी ब्यवसायी भण्डारी र बाइक भने सडक छेउमै पल्टिएको छ। पछाडी बसेका बाजुरा जगनाथ गापा वडा नं ४ नाराकोटका ३७ वर्षका खडकबहादुर भण्डारीको घुँडामा सामान्य चोट लागेको छ। थप घटनाका विषयमा अनुसन्धान भइरहेको छ।
प्रतिक्रिया दिनुहोस !
