कुटपिट घटनाका आरोपितलाई कारवाहीको माग गर्दै लहानमा प्रदर्शन,हाइवे जाम
कात्तिक ९, २०८१ शुक्रबार ११:१३:१२
सिरहा : नेपाली कांग्रेसका भातृ संगठन नेपाल विद्यार्थी संघका जिल्ला सदस्यमाथि भएको कुटपिट घटनाका आरोपितलाई प्रहरीले कारवाही नगरेपछि नेविसंघ सिरहा आन्दोलित भएको छ।
यही कार्तिक ३ लहान नगरपालिका-१९ का नेविसंघ संघ जिल्ला सदस्य सन्तोष यादव (बुच्चा) माथि केही युवाको समूहले कुटपिट गरेका थिए । घरमै प्रवेश गरि कुटपिट हुदाँ पनि आरोपितलाई कारवाही नगरेपछि आन्दोलित भएको नेविसंघ जिल्ला सभापति पप्पु यादवले जानकारी गराए ।
सांकेतिक रुपमा इलाका प्रहरी कार्यालय लहान अगाडि कारवाहीको माग गर्दै प्रदर्शन र १ घण्टा हाईवे जाम गरेको सभापति यादवले बताए । कारवाही नभए थप आन्दोलन चरणवद्धरुपमा गर्ने उनले जानकारी गराए ।
प्रहरीले अन्य राजनीति दलका नेताको दबाबमा आरोपितलाई संरक्षण गरेको सभापति यादवको आरोप छ ।
प्रतिक्रिया दिनुहोस !
