पहिलो पटक अमेरिकास्थित बाना भवनको प्रांगणमा नेपाल, अमेरिका र मेरील्याण्डको झण्डा फहरायो

अमेरिका : औचारिकरूपमा पहिलो पटक अमेरिकामा नेपाल, अमेरिका र मेरिल्याण्डको झण्डा राखिएको छ ।  मेरिल्याण्ड राज्यको बाल्टिमोर सहरमा रहेको नेपालीहरूको छाता संस्था Baltimore Association of Nepalese in America (BANA) अमेरिकाले तीनवटै झण्डा औपचारिक रूपमा राखेको हो । 

बाना नेपाली समुदायको हकहितमा काम गर्ने अग्रणी संस्था हो । अमेरिकामा नै आफ्नो सामुदायिक भवन बनाएर कार्यक्रम सञ्चालन गर्ने पहिलो नेपाली संस्था हो । आफ्नो सामुदायिक भवनको प्रांगणमा नेपाल, अमेरिका तथा मेरिल्याण्ड राज्यको झण्डा फहराउने विशेष कार्यक्रम रहेको थियो । 

बाल्टिमोर काउण्टीका काउण्टी एक्जिक्युटिभ जोनी ओ प्रमुख अतिथिका रहेको कार्यक्रममा बानाका अध्यक्ष सुबोध विलास पन्तले नेपालको झण्डा,अमेरिकाकै इतिहासमा पहिलोपटक नेपाली मुलका मेरिल्याण्ड विधान सभा सदस्य ह्यारी भण्डारीले र काउन्सीलम्यान जुलीयन ई  जोन्स जुनीयर ले मेरिल्याण्ड राज्यको झण्डा तथा प्रमुख अतिथि जोनीओ ले अमेरिकी झण्डाको झण्डोतोलन गरेका थिए । 

कार्यक्रममा बोल्दै प्रमुख अतिथि पन्तले ऐतिहासिक क्षणमा उपस्थिति हुन पाउँदा गर्वको अनुभूति भएको बताए। कार्यक्रममा नेपाली समुदायका व्यक्तिहरूको बाक्लो उपस्थित रहेको थियो।