हेटौंडामा धारिलो हतियार खुकुरी देखाई लुटपाट गर्ने २ जना पक्राउ
कात्तिक ११, २०८१ आइतबार १८:४८:३३
हेटौंडा : मकवानपुरमा धारिलो हतियार खुकुरी देखाई लुटपाट गर्ने २ जना पक्राउ परेका छन्।
शनिबार दिउँसो अस्थायी प्रहरी पोष्ट थानाभर्याङबाट खटिएको प्रहरी टोलीले हेटौंडा उपमहानगरपालिका-११ का २० वर्षीय असमिन चौलागाईं र सोही स्थानका २० वर्षीय अनिस चौलागाईंलाई धारिलो हतियार र सुनको सिक्रीसहित पक्राउ गरेको मकवानपुर प्रहरी प्रमुख प्रहरी उपरीक्षक विश्वराज खड्काले बताए।
पक्राउ परेका उनीहरूले हेटौंडा उपमहानगरपालिका-११ थानाभर्याङमास्थित राप्ती खोलाको बगरमा बकैया गाउँपालिका-४ बस्ने २० वर्षीय मनिष फुयाँल र सोही स्थान बस्ने २४ वर्षीय सुजन पौडेललाई धारिलो हतियार खुकुरी देखाई १ तोलाको सुन लुटेका थिए।
प्रहरी प्रमुख प्रहरी उपरीक्षक खड्काको अनुसार पक्राउ परेका २ जना उपर चोरी तथा डाँका सम्बन्धी कसुर मुद्दामा मकवानपुर जिल्ला अदालतबाट ४ दिनको म्याद अनुमति लिई थप अनुसन्धान कार्य भइरहेको बताए।
प्रतिक्रिया दिनुहोस !
