जनताका समस्या समाधान गर्न सरकार नयाँ ढंगले काम गरिरहेको छ : उपप्रधानमन्त्री सिंह
कात्तिक १२, २०८१ सोमबार १२:३२:३२
चितवन : उपप्रधानमन्त्री तथा सहरी विकासमन्त्री प्रकाशमान सिंहले राजनीतिक स्थिरताका लागि वर्तमान सरकार बनेको बताएका छन्। नेपाली कांग्रेस चितवनले आयोजना गरेको दिपावली विशेष कार्यक्रममा राजनीतिक स्थिरता र स्थायित्व दिएर जनताको पिरमर्कालाई चाँडो सम्बोधन गर्नेतर्फ अहिलेको सरकार लागिपरेको बताए ।
सरकार लामो समयसम्म टिकाउनका लागि पनि वर्तमान सत्तासमीकरण बनेको उनको भनाइ छ। मन्त्री सिंहले कांग्रेसलाई केन्द्रमा राखेर अघि बढ्नुपर्नेमा जोड दिए । 'पार्टीभन्दा पनि व्यक्ति र समूहलाई महत्व दिँदा हामी गन्तव्यमा पुग्न सक्दैनौं । पार्टीभित्रको चुनौती भनेको व्यवस्थापन कार्य नै हो,'उपप्रधानमन्त्री सिंहले भने ।
नेपाली कांग्रेसको नेतृत्वबाट जारी संघीय लोकतान्त्रिक समावेशी संविधानको भावना र मर्मअनुसार त्यसलाई अक्षरशः पालना गर्नुपर्ने बताए।
प्रतिक्रिया दिनुहोस !
