काठमाडौं : एनआइएमबी एस क्यापिटल लिमिटेडले धनतेरसको अवसर पारेर ग्राहकहरूका लागि नयाँ अफर ल्याएको छ। जसअन्तर्गत तीनजना भाग्यशाली विजेताहरूले १/१ हजार इकाई उपहारस्वरुप पाउनेछन् । यस योजनामा योग्य हुनका लागि ग्राहकहरूले एनआइएमबीबाट हितग्राही खाता खोली एसआईपी रजिस्ट्रेसन गर्नुपर्नेछ ।
कार्तिक १३ गते अर्थात् धनतेरसका दिनमा मात्रै आफ्नो पहिलो किस्ता तिर्नुपर्नेछ ।
कार्तिक १३ गते राति ११ :५९ बजे सम्म रजिस्ट्रेसन गरेकोहरू मात्र लक्की ड्रमा पर्नसक्नेछन् । यस योजनाका विजेताहरूको घोषणा भने कार्तिक १४ गते एनआइएमबी एस क्यापिटलको आधिकारिक फेसबुक मार्फत लाइभ गरिनेछ।
एनआईएमबी एस क्यापिटलले योजनाको व्यवस्थापक रही एनआईबिएल म्युचुअल फण्डअन्तर्गत विभिन्न योजनाहरू सार्वजनिक गर्दै आएको छ । हाल एनआइएमबी एस क्यापिटलले १० अर्ब रूपैयाँभन्दा बढी मूल्यांकन भएका पाँचवटा म्युचुअल फण्डहरूको व्यवस्थापन र लगानी व्यवस्थापन सेवाअन्तर्गत लगानीकर्ताको ६ अर्ब रूपैयाँभन्दा बढी रकमको लगानी व्यवस्थापन गर्दै वित्तीय क्षेत्रमा आफूलाई अग्रस्थानमा राख्दै आएको छ ।
प्रतिक्रिया दिनुहोस !
