मनासस(भर्जिनिया): डिएमभी आर्टिस्ट अवार्ड २०२४ समारोह भव्य रुपमा सम्पन्न भएको छ । भर्जिनिया राज्यकी सिनेटर ड्यानिका रोएम प्रमुख अतिथिमा उत्त अवार्ड समारोह भव्यरुपमा सम्पन्न भएको हो । रोएमले समारोहमा नेपाली समुदायका विभिन्न कलाकारलाई अवार्डसहित प्रमाणपत्र प्रदान गरिन् । सिनेटर ड्यानिका रोएमले नेपाली कला र संस्कृतिमा उल्लेखनीय योगदान पुर्याएका कलाकारलाई भर्जिनिया राज्यका सिनेटको मोहरसहितका प्रमाणपत्रहरू प्रदान गरेकी थिइन् ।
अवार्डसहित सम्मानित हुने कलाकारहरूमा प्रख्यात गायक भुवन केसी, पुराण जोशी, रुपा राणा, अभिनेता नारायण त्रिपाठी, पुष्कर पन्तलगायतका कलाकारहरू थिए ।
त्यसैगरी युएनप्याक र एएमएन–युएसएका अध्यक्ष एड्रियन पोखरेलले 'को हो त्यो' नामक गीत प्रस्तुत गरेर सबैलाई मन्त्रमुग्ध पारे । यो गीत,अघिल्लो पुस्ताका प्रसिद्ध गायक ओम विक्रम बिष्टले गाएका थिए। पोखरेलको गायनमा पुनः एकपटक जिन्दगीको नयाँ रौनक ल्याएको थियो ।
कार्यक्रममा विविध सांस्कृतिक नृत्य र अन्य सांगीतिक प्रस्तुतिहरू पनि प्रदर्शन गरिएका थिए। जसले उपस्थित दर्शकहरूलाई मन्त्रमुग्ध तुल्यायो । कार्यक्रममा नेपाली कला र संस्कृतिको संरक्षण र प्रवर्द्धनको महत्वलाई जोड दिइएको थियो । यसले नेपाली समुदायको एकता र गर्वलाई थप मजबुत बनायो । सिनेटर ड्यानिका रोएम र आयोजकहरूको धन्यवाद ज्ञापन गर्दै उपस्थित सबैले नेपाली कलाकारहरूको योगदानको सम्मान गर्दै सांस्कृतिक मञ्चमा एकता र साझा अभिव्यक्तिका अवसरहरूको सिर्जना गर्ने महत्वपूर्ण भूमिका सम्हाल्ने प्रतिज्ञा गरे ।
प्रतिक्रिया दिनुहोस !
