दार्चुला-टिङ्कर सडक प्राथमिकताका साथ अघि बढाउँछौं : रक्षामन्त्री
कात्तिक २६, २०८१ सोमबार १५:१२:३६
काठमाडौं : रक्षामन्त्री मानवीर राईले दार्चुला-टिङ्कर सडक आयोजनालाई प्राथमिकताका साथ अघि बढाइने बताएका छन्।
सोमबार सिंहदरबारमा बसेको प्रतिनिधिसभा अन्तर्गतको राज्य व्यवस्था तथा सुशासन समिति बैठकमा मन्त्री राईले नेपाली सेनाले निर्माणको जिम्मा पाएको उक्त आयोजनालाई प्राथमिकताका साथ अघि बढाउन आफूले सेनासँग समन्वयसमेत गरिरहेको बताएका हुन्।
आर्थिक वर्ष ०७७/७८ बाट निर्माण सुरु गरिएको तथा राष्ट्रिय प्राथमिकतामा परेको उक्त सडक परियोजनाको निर्माण सुस्त भएको भएको गुनासो आउने गरेको छ। मन्त्री राईले महाकाली करिडोरलाई तराई-मधेस फास्ट ट्र्याकपछिको प्राथमिकतामा राख्नुपर्नेमा सबैको चासो रहेको जिकिर गरे।
त्यस्तै उनले तराई-मधेस फास्ट ट्र्याकसमेत कात्तिक अन्तिम साता संसदीय समितिसँग निरीक्षण अनुगमनमा जाने बताए।
प्रतिक्रिया दिनुहोस !
