झापा : बंगलादेशका २ जना नागरिक काँकडभिट्टाबाट पक्राउ परेका छन् । प्रवेशाज्ञा बिना नेपाली भूमिमा प्रवेश गरेको अभियोगमा सशस्त्र प्रहरी बलको सतिघट्टा बोर्डर आउट पोस्टको टोलीले उनीहरुलाई बुधबार साँझ पक्राउ गरेको हो ।
आफ्नो परिचय खुल्ने कुनै कागतपत्र नभएका उनीहरूका साथबाट एक हजार पाँच सय टाका र दुई थान मोबाइल बरामद भएको सशस्त्र प्रहरी बल २ नं. गणका सूचना अधिकारी महेशराज बिष्टले जानकारी दिए। उनीहरूलाई काँकडभिट्टास्थित अध्यागमन कार्यालयमा बुझाएको छ । उक्त कार्यालयले आज उनीहरूलाई काठमाडौंस्थित अध्यागमन विभाग पठाउने जनाएको छ । पछिल्लो समयमा उक्त नाकाबाट बंगलादेशका नागरिक नेपाल छिर्ने प्रयास गरिरहेका छन्।
प्रतिक्रिया दिनुहोस !
