काभ्रे : जिल्लाको पाँचखाल नगरपालिका–१३ को कोशीदेखा ठाँटीबाट रोटेपिङतर्फ जाँदै गरेको ट्रक दुर्घटनामा परी दुई जनाको घटनास्थलमै मृत्यु भएको छ।
पाँचखाल-१३ कोशिदेखामुनि बा ४ ख २२०२ नम्बरको मिनी ट्रक पल्टिँदा ४० वर्षीय कुमार रोक्का र २७ वर्षीय निकेश रोक्काको निधन भएको प्रहरीले जनाएको छ ।
स्थानीय मणिराम गौतमका अनुसार मृतकहरू रोटेपिङ दलित बस्तीका हुन्। ट्रक अनियन्त्रित भई सडकबाट तल झरेको थियो।
प्रहरी र स्थानीय बासिन्दाहरू घटनास्थलमा पुगेका छन् भने प्रहरीले थप अनुसन्धान कार्य भइरहेको जिल्ला प्रहरी कार्यालय काभ्रेले जनाएको छ।
प्रतिक्रिया दिनुहोस !
