दार्चुला : दार्चुलामा जीप दुर्घटना हुँदा ७ जनाको मृत्यु भएको छ भने ६ जना घाइते भएका छन्। मृत्यु हुनेमा जिल्लाको शैल्यशिखर नगरपालिका-५ लेकगाउँका ३० वर्षीय बिरेन्द्र रावल, सोही ठाउँका २८ वर्षीय शान्ति रावल, शैल्यशिखर-९ नकतडका ४५ वर्षीय दिलिप विष्ट, बैतडीको डिलाशैनी-५ का १५ वर्षीय सञ्जिव बोहरा र भारतको उत्तर प्रदेश विजनौर जिल्लाका ४५ वर्षीय मोहमद सफिर र सोही जिल्लाका १८ वर्षीय मोहमद बसिम रहेका जिल्ला प्रहरी कार्यालय दार्चुलाका डिएसपी प्रकाश दाहालले बताए ।
मृतक मध्ये ४ जनाको घटनास्थलमै तथा ३ जनाको उपचारका क्रममा गोकुलेश्वर अस्पतालमा मृत्यु भएको बताइएको छ । मृतक ७ जनामध्ये १ जनाको सनाखत हुन सकेको छैन ।
शैल्यशिखर नगरपालिका -६ को बगजेबलामा म १ ज ३३८ नम्बरको जिप दुर्घटनामा परेको हो । मालिकार्जुनबाट गोकुलेश्वरतर्फ गइरहेको जीप बिहान ४ बजेतिर दुर्घटनामा परेको प्रहरीले जनाएको छ ।
घाइतेहरूको गोकुलेश्वर अस्पतालमा उपचार भइरहेको दाहालले जानकारी दिए।
प्रतिक्रिया दिनुहोस !
