दार्चुला जीप दुर्घटना : घाइते तीन जनालाई सेनाको हेलिकोप्टरबाट धनगढी लगियो
कात्तिक ३०, २०८१ शुक्रबार ११:१०:३४
दार्चुला : दार्चुलामा जिप दुर्घटनामा परी घाइते भएकामध्ये तीन जनालाई थप उपचारका लागि नेपाली सेनाको हेलिकोप्टरमार्फत धनगढी पठाइएको छ।
दुर्घटनामा परी गम्भीर घाइते जिप चालक सुनिल जोशी, जिपमा सवार उत्तम रोकाया र सन्दीप रावललाई थप उपचारका लागि नेपाली सेनाको हेलिकोप्टरमार्फत धनगढी पठाइएको शैल्यशिखर नगरपालिकाका प्रमुख प्रशासकीय अधिकृत सुरेन्द्र बहादुर बिष्टले बताए।
उनले घाइते दुई जनाको अवस्था भने सामान्य रहेको र उनीहरूको गोकुलेश्वर अस्पतालमै उपचार भइरहेको उल्लेख गरे।
प्रतिक्रिया दिनुहोस !
