झापा : झापामा फलामको रड प्रहार गरी एकजनाको हत्या गरिएको छ ।
रड प्रहारबाट बाह्रदशी गाउँपालिका ५ निवासी ४५ वर्षीय गंगालाल माझीको मृत्यु भएको जिल्ला प्रहरी कार्यालय झापाले जनाएको छ । घाइते माझीलाई उपचारका लागि बीएण्डसी अस्पताल बिर्तामोड ल्याउँदै गर्दा बाटैमा मृत्यु भएको हो ।
शनिबार राति आपसी विवादको क्रममा बाह्रदशी ५ कै मानपुर राजवंशीले माझीलाई रड प्रहार गरेका थिए । हत्या आरोपमा राजवंशीलाई इलाका प्रहरी कार्यालय बिर्तामोडले नियन्त्रणमा लिएको जनाइएको छ ।
प्रतिक्रिया दिनुहोस !
