गौशाला : नगरवासीले यू-१९ महिला क्रिकेट टिमकी कप्तान पूजा महतोलाई नागरिक अभिनन्दन गर्ने भएको छ । गौशाला नगरपालिका वडा नं.११ का स्थानीयहरूले भोलि (३ गते मंसिर)का दिन महतोलाई नागरिक अभिनन्दन गर्ने तयारी गरिएको छ ।
वडा नं. ११ का वडाअध्यक्ष रामपृत महतो कोईरीले आज पत्रकार सम्मेलन गर्दै नेपाललाई विश्वसमक्ष चिनाउनका लागि सफल भएकी चेली पूजालाई सम्मानस्वरुप नागरिक अभिनन्द गर्ने जानकारी गराएका छन् । इमलीबजारबाट शुरु हुने विजयी यात्रा गौशाला नगरपालिकाको नगर परिक्रमा गर्दै पुनः इमलीबजारमा गइ समापन हुने वडाअध्यक्ष कोइरीले जानकारी दिएका छन् ।
सम्मान थाप्न व्यस्त पूजा
गृह नगरी गौशाला आएपछि नेपाल महिला क्रिकेट टिमकी कप्तान पूजा महतोलाई अहिले सम्मान थाप्नका लागि भ्याइनभ्याइ भएको छ ।
उनलाई विभिन्न संस्था तथा व्यक्तिगत रूपमा खेलप्रेमी सर्वसाधारणहरू उनको घरमा पुगी सम्मान दिइरहेका छन् । नेपाल कुशवाहा कल्याण समाज महोत्तरीले उनलाई नगद ५१ हजार रुपैयाँसहित सम्मान गरेको थियो।
प्रतिक्रिया दिनुहोस !
