संखुवासभामा दुई जनाको मृत्यु

खाँदबारी : संखुवासभामा भएको छुट्टाछुट्टै घटनामा दुई जनाको मृत्यु भएको छ । सिलिचोङ गाउँपालिका-३ खड्बा खोला नजिकै रहेको तेवा भिरमा लडेर राजन राईको मृत्यु भएको हो । प्रहरीका अनुसार  साथीहरूसँग भिरमा चढेर भिर मौरीको मह काढ्ने क्रममा आइतबार साँझ १ सय ५० मिटर अग्लो भिरबाट लडेर उनको मृत्यु भएको डीएसपी दक्षकुमार बस्नेतले बताए ।

यसैबीच मकालु गाउँपालिका-२ सेदुवा कास्वा हाईड्रो पावरको सडकको ट्रयाक ओपन गर्ने क्रममा  मकालु-२ सेदुवाका ३० वर्षीय सुरबिर राईको जेसिबी दुर्घटना मृत्यु भएको प्रहरीले जनाएको छ । सोमबार बिहान जेसिबी अचानक बाटोबाट करिब १ सय मिटर तल झरेर दुर्घटना हुँदा  राईको घटना स्थलमै मृत्यु भएको हो ।