विराटनगर : कोशी प्रदेशमा स्वास्थ्यसँग सम्बन्धी छुट्टै ऐन बनाइने भएको छ । स्वास्थ्य सेवालाई प्रभावकारी बनाउने भनेर छुट्टै ऐन बनाउन लागिएको हो ।
प्रदेशको स्वास्थ्य मन्त्रालयसँग सम्बन्धित स्वास्थ्य सेवालाई अझै प्रभावकारी बनाउने उद्देश्यसाथ प्रदेशमा छुट्टै ऐन निर्माण गरिने प्रदेश सरकारका प्रवक्ता एवं भौतिक पूर्वाधार विकासमन्त्री भूपेन्द्र राईले जानकारी दिए । उनका अनुसार प्रदेश सरकारको बुधबार बिहान बसेको मन्त्रिपरिषद् बैठकले छुट्टै ऐन बनाउनका लागि सैद्धान्तिक सहमति प्रदान गरेको छ ।
स्वास्थ्य सम्बन्धी छुट्टै ऐन प्रदेशमा आवश्यक देखिएको उनको भनाइ छ । सरकारले उद्योग कृषि तथा सहकारी मन्त्रालयमार्फत आएको प्रदेश कृषि व्यवसाय प्रवर्धन अनुदान (तेस्रो संशोधन) नियमावली २०८१ लाई स्वीकृत गर्ने निर्णयसमेत गरेको जानकारी राईले दिए ।
मन्त्रिपरिषद् बैठकले आयुर्वेद चिकित्सा सेवा तथा जडीबुटी सेवा शिक्षा तथा अध्ययन अनुसन्धान सम्भाव्यता अध्ययन तथा कार्ययोजना तर्जुमा कार्यदल, २०८१ को समयावधि एक महिना (३० दिन) थप गर्ने निर्णय गरेको छ । तोकिएको समयमा काम सम्पन्न नभएकाले कार्यदलको समय थप गर्नु परेको हो ।
मन्त्रिपरिषद् बैठकको निर्णयका बारेमा जानकारी दिँदै कोशी प्रदेश सरकारका प्रवक्ता एवं मन्त्री भूपेन्द्र राई ।
प्रतिक्रिया दिनुहोस !
