पोखरा : लागूऔषधसहित युवक पक्राउ परेका छन्। पक्राउ पर्नेमा पोखरा महानगरपालिका-२९ भण्डारढिक नयाँवस्तीका २६ वर्षीय कपिल घिमिरे रहेका छन्।
जिल्ला प्रहरी कार्यालय कास्की र इलाका प्रहरी कार्यालय शिसुवाबाट खटिएको प्रहरी टोलीले उनको घरमा रहेको लागूऔषधसहित उनलाई पक्राउ गरेको हो।
सुत्ने कोठाको भित्तामा कालो झोलाभित्र लुकाइछिपाई राखेको डाईजापाम २२८ एम्पुल, फेनेरागन २१२ एम्पुल र ब्रुफिन २२२ एम्पुल गरी जम्मा ६६२ एम्पुल लागूऔषध बरामद गरेको जिल्ला प्रहरी कार्यालय कास्कीका सूचना अधिकारी एवं प्रहरी नायब उपरीक्षक वसन्त कुमार शर्माले बताए।
कास्की जिल्ला अदालतबाट लागूऔषध सम्बन्धी मुद्दामा १० दिन म्याद थप गरी अनुसन्धान प्रक्रिया अघि बढाइएको उनले जानकारी दिए।
प्रतिक्रिया दिनुहोस !
