ढल्केवर(धनुषा) : धनुषामा स्कुल बसको ठक्करबाट बालिकाको मृत्यु भएको छ। मृत्यु हुनेमा धनुषाधाम नगरपालिका–३ बस्ने सरोज शर्माको तीन वर्षीया छोरी मानसी शर्मा रहेको धनुषाका प्रहरी प्रवक्ता एवं प्रहरी नायब उपरीक्षक वरुण बहादुर सिंहले जानकारी दिए।
बिहीबारर धनुषाधाम बजारस्थित रहेको बाल आवासीय सेकेन्ड्री स्कुलको बसले ठक्कर दिँदा ती बालिका गम्भीर घाइते भएकी थिइन्। अचेत अवस्थामा रहेकी उनलाई उपचारका लागि प्रादेशिक अस्पताल जनकपुर पठाइएकोमा चिकित्सकले मृत घोषणा गरिदिएको प्रहरीले जनाएको छ।
मृतक बालिकाको शव पोस्टमार्टमका लागि प्रादेशिक अस्पताल जनकपुरमा राखिएको बताइएको छ। ठक्कर दिने बस र त्यसका चालक इलाका प्रहरी कार्यालय धनुषाधामको नियन्त्रणमा रहेको प्रहरी नायब उपरीक्षक सिंहले बताए।
प्रतिक्रिया दिनुहोस !
