अर्घाखाँची : अर्घाखाँचीको शितगंगा नगरपालिकामा एक महिला मृत अवस्थामा फेला परेकी छिन् । गोरुसिंगे सन्धिखर्क सडक अन्तर्गत शितगंगा नगरपालिका-१२ ठुलापैरो नजिकैको खोल्सामा महिलाको शव फेला परेको जिल्ला प्रहरी कार्यालय अर्घाखाँचीका प्रमुख डिएसपी चक्रबहादुर मल्लले बताए।
अन्दाजी ३५/४० वर्षकी पहेँलो कुर्था, कलेजी कलरको सुरवाल, कालो/रातो कपाल भएको महिलाको शव फेला परेको र नामथर, वतन नखुलेको जिल्ला प्रहरी कार्यालय अर्घाखाँचीका प्रमुख डिएसपी मल्लको भनाइ छ ।
घटनाको अनुसन्धान भइरहेको र मृत अवस्थामा फेला परेकोले निज महिलालाई चिन्ने अथवा पहिचान गर्न सक्ने व्यक्तिले नजिकैको प्रहरी कार्यालयमा सम्पर्क गर्न प्रहरीले आग्रह गरेको छ ।
प्रतिक्रिया दिनुहोस !
