परराष्ट्रमन्त्री राणासँग श्रीलंकाका राजदूत पथिरानाको बिदाई भेट
मंसिर ९, २०८१ आइतबार १९:२३:३५
काठमाडौं : परराष्ट्रमन्त्री डा. आरजु राणा देउवा र नेपालका लागि श्रीलंकाका राजदूत सुधर्शन पथिरानाबीच भेट भएको छ। आज परराष्ट्र मन्त्रालयमा श्रीलंकाका राजदूत एयर चिफ मार्सल(अवकाशप्राप्त) पथिरानाले परराष्ट्र मन्त्री राणासँग बिदाइ गरेका हुन्।
भेटमा मन्त्री देउवाले नेपाल-श्रीलंका सम्बन्धलाई थप प्रगाढ बनाउने र द्विपक्षीय सहकार्यलाई अभिवृद्धि गर्न पुर्याएको योगदानको प्रशंसा गरेकी थिइन् ।
आफ्नो कार्यकालमा नेपाल र श्रीलंकाबीचको सम्बन्धलाई मजबुत बनाउन महत्त्वपूर्ण भूमिका खेलेको भन्दै मन्त्री देउवाले राजदूत पथिरानालाई धन्यवाद दिइन्।
भेटमा दुई देशबीचको मित्रता र सहकार्यलाई अझै मजबुत बनाउनका लागि प्रतिबद्धता व्यक्त गरिएको परराष्ट्र मन्त्रालयले जनाएको छ ।
प्रतिक्रिया दिनुहोस !
