मस्को : रुसले मंगलबार एक बेलायती कूटनीतिज्ञलाई देश निकाला गरेको छ । रुसको विदेश मन्त्रालयले बेलायती कूटनीतिज्ञ जासुसीको उद्देश्यले देशमा आएको र आफ्नो बारेमा गलत जानकारी दिएको आरोप लगाएको छ ।
रुसी कानूनको उल्लङ्घनका कारण कूटनीतिक मान्यता खारेज गरिएको र दुई साताभित्र रुस छाड्न भनिएको परराष्ट्र मन्त्रालयले जनाएको छ ।
बेलायती विदेश मन्त्रालयले कूटनीतिज्ञलाई निष्कासन गर्ने निर्णयमा रुसले बेलायती कर्मचारीमाथि आधारहीन आरोप लगाएको यो पहिलो पटक नभएको बताएको छ । उनीहरूले सही समय आएपछि यसको जवाफ दिने जनाएका छन्।
फ्रान्सेली अखबार ले मोन्डेको रिपोर्टले बेलायत र फ्रान्सले युक्रेनमा सेना पठाउने तयारी गरिरहेको दाबी गरेको छ। स्रोतलाई उद्धृत गर्दै अखबारले दावी गरेको छ कि नोभेम्बरको सुरुमा प्रधानमन्त्री केयर स्टाररको पेरिस भ्रमणको क्रममा उनले राष्ट्रपति म्याक्रोनसँग युक्रेनमा सेना तैनाथ गर्ने विषयमा वार्ता गरेका थिए।
तर, बेलायती सरकारले यो दाबीलाई ‘झुटो’ भनेको छ । बेलायतका रक्षामन्त्री डेभिड ल्यामीले युक्रेनलाई सहयोग गरिरहने तर त्यहाँ सेना पठाउने खबरमा कुनै सत्यता नभएको बताए ।
रुसी राष्ट्रपति भ्लादिमिर पुटिनले युक्रेनमा पश्चिमी सेना तैनाथ गर्दा युरोपमा गम्भीर द्वन्द्व र विश्वव्यापी द्वन्द्व निम्त्याउन सक्ने चेतावनी दिएका छन् । पुटिनले रुसले आफ्नो विरुद्धमा हतियार प्रयोग गर्न अनुमति दिने देशहरूको सैन्य सुविधामा आक्रमण गर्ने अधिकार सुरक्षित राखेको उल्लेख गरेका छन्।
प्रतिक्रिया दिनुहोस !
