काठमाडौं : काठमाडौं महानगरपालिकाले सानो गौचरनको फुटबल खेल मैदानलाई पुननिर्माण गर्ने भएको छ । बिहीबार महानगरकी उपप्रमुख सुनिता डंगोलले सानो गौचरनको फुटबल खेल मैदानलाई पुननिर्माणको शिलान्याश गरेकी हुन्।
खेल मैदान शुभ कन्स्ट्रक्सनले १८ करोड ८६ लाखमा पुनःनिर्माण गर्ने महानगरले जनाएको छ । काठमाडौं महानगर वडा नं. ५ का अध्यक्ष वीरेन्द्र प्रजापतीले सानो गौचरनलाई व्यवस्थीत ढंगले पुननिर्माण गरेर सबै प्रतियोगीता सम्पन्न गर्ने गरि तयार गरिने जानकारी दिए।
सानो गौचरनमा कृत्रिम घाँससहितको खेल मैदान , २८ वटा चारपाङ्ग्रे र १७८ वटा २ पाङ्ग्रे सवारी साधन अट्ने क्षमताको पार्किङ हुने बताइएको छ । त्यस्तै सोहि परिसरमा फिजियोथेरापी कक्ष, कपडा फेर्ने कोठा,एउटा प्राथमिक उपचार कक्ष र टिम लकर समेत राखिने महानगरले जनाएको छ ।
प्रतिक्रिया दिनुहोस !
