दाङ : दाङमा सवारी दुर्घटना हुँदा २२ जना घाइते भएका छ्न । तुल्सीपुर १८ बिजोरीस्थित डाँडागाउँमा भएको बस दुर्घटनामा परी २२ जना घाइते भएका हुन । घोराहीबाट तुलसीपुरतर्फ जाँदै गरेको बस दुर्घटनामा परेको हो।
तीव्र गति र ओभरटेकका कारण बस अनियन्त्रित हुँदा दुर्घटना भएको इलाका प्रहरी कार्यालय तुलसीपुरले जनाएको छ। तुलसीपुर उपमहानगरपालिका -१८ डाडागाँउस्थित घोराही तुलसीपुर सडक खण्डमा रा १ ख १३८२ नम्बरको बस अनियन्त्रित भइ सडकबाट २/३ मिटर तल खसेको थियो ।
बस चालक घोराही–१० बस्ने अन्दाजी २८ वर्षका मनोज चौधरीलाई नियन्त्रणमा लिएर घटनाबारे अनुसन्धान भइरहेको प्रहरीले जनाएको छ । घाइतेहरूको राप्ती स्वास्थ्य विज्ञान प्रतिष्ठान घोराही र राप्ती प्रादेशिक अस्पताल तुलसीपुरमा उपचार भइरहेको छ ।
प्रतिक्रिया दिनुहोस !
