पदयात्राका क्रममा दिल्लीका पूर्व मुख्यमन्त्री अरविन्द केजरीवालमाथि तरल पदार्थ प्रहार
मंसिर १६, २०८१ आइतबार ७:१८:४५
नयाँदिल्ली : दिल्लीका पूर्व मुख्यमन्त्री अरविन्द केजरीवालमाथि शनिबार अपरिचित व्यक्तिले तरल पदार्थ प्रहार गरेको छ । दिल्ली पुलिसले तरल फ्याक्ने व्यक्तिलाई हिरासतमा लिएको छ।
अरविन्द केजरीवाल शनिबार साँझ दिल्लीको ग्रेटर कैलाश क्षेत्रमा पदयात्रा गरिरहेका थिए। त्यसपछि अचानक भीडबाट कसैले उनीमाथि तरल पदार्थ फाले।
आम आदमी पार्टीका नेता तथा दिल्ली सरकारका मन्त्री सौरभ भारद्वाजले यस घटनाको लागि भाजपालाई दोष दिएका छन्।
उनले भने, 'भाजपा नेताहरूले हरेक राज्यमा लगातार र्याली र मार्च गर्छन् र उनीहरूमाथि कहिल्यै आक्रमण हुँदैन। अरविन्द केजरीवालमाथि लगातार आक्रमण भइरहेको छ।'
सौरभ भारद्वाजले दावी गरे, ‘नांगलोईमा केजरीवालमाथि हमला भएको थियो, छतरपुरमा पनि हमला गर्ने प्रयास भएको थियो ।'
प्रहरी स्रोतका अनुसार केजरीवाल आफ्ना समर्थकहरूसँग मालवीय नगर क्षेत्रमा घुमिरहेका बेला यो घटना भएको हो। प्रहरीले आरोपितलाई हिरासतमा लिएर सोधपुछ भइरहेको पनि बताए ।
अभियुक्तको नाम अशोक झा हो । अशोकको हातमा गिलास थियो। त्यसकै माध्यमबाट उनले केजरीवालमाथि पानी फाल्ने प्रयास गरे ।
प्रतिक्रिया दिनुहोस !
