काठमाडौं : नेपालको अग्रणी डिजिटल रेमिट्यान्स कम्पनी ईसेवा मनी ट्रान्सफरले ब्रान्ड प्रवर्द्धकका रूपमा नेपाली क्रिकेटर दीपेन्द्रसिंह ऐरीलाई पुनः अनुबन्ध गरेको छ।
विगत एक वर्षदेखि ईसेवाको ब्रान्ड प्रवर्द्धकका रूपमा अनुबन्धित भएका ऐरीसँगको सम्झौताको अवधि पुनः थप गरिएको हो। ईसेवाका प्रमुख कार्यकारी अधिकृत (सीईओ)अजेश कोइराला र दीपेन्द्रसिंह ऐरीबीच पुनबीच ब्रान्ड प्रवर्द्धकको सम्झौतापत्रमा हस्ताक्षर भएको थियो।
कार्यक्रममा ब्रान्ड प्रवर्द्धक ऐरीले ईसेवासँगको यात्रालाई निरन्तरता दिन पाउँदा खुसी लागेको बताए। ईसेवाका सीईओ कोइरालाले नेपाली क्रिकेटलाई अगाडि बढाउनमा महत्त्वपूर्ण योगदान दिँदै आएका ऐरी जस्ता प्रतिभाशाली व्यक्तित्वलाई ब्रान्ड प्रवर्द्धकका रूपमा निरन्तरता दिन पाउनु गर्वको विषय भएको बताए।
प्रतिक्रिया दिनुहोस !
